Bllokohen makinat luksoze/ Postoblloqe në gjithë vendin, mbi 130 persona e 100 mjete janë ndaluar për verifikim
Mbi 130 persona dhe mbi 100 mjete luksoze janë ndaluar gjatë fundjavës për t’ju nënshtruar verifikimeve. Forcat e Ndërhyrjes së Shpejtë, Shqiponjave, Patrullës së Përgjithshme, Policisë Kriminale dhe asaj të Qarkullimit Rrugor kanë ngritur gjatë gjithë kohës pika kontrolli të lëvizshme, në orare të ndryshme ditën dhe natën, por edhe kontrolle të befasishme për automjetet në lëvizje në të gjitha qytetet e vendit.
Aksioni i shtrirë në disa qytete te vendit, mes tyre në Tiranë, Durrës, Gjirokastër, Korçë, Sarandë, Shkodër dhe në Fier synon identifikimin dhe bllokimin e makinave me probleme me dokumentacionin, të trafikuara ose që u është fshirë numri i shasisë.
Nëse nga verifikimet rezulton se makinat luksoze janë në pronësi të personave me të kaluar kriminale ose ka dyshime se nuk e justifikojnë, të dhënat e tyre i kalohen OFL-së, ku dërgohet dosja për të vijuar me procedurën e dërgimit të formularit për justifikimin e pasurisë ose sekuestrohet në kushtet e emergjencës.
Pas kontrolleve, pjesa më e madhe e mjeteve u janë rikthyer pronarëve, pasi rezultonin pa probleme, por verifikimi i ka shërbyer policisë, pasi të dhënat e mjeteve mund të jenë objekt i punës së operacionit “Forca e Ligjit”, për të parë burimin e krijimit të kësaj pasurie.
Autoritetet kanë bërë me dije se kontrolle të tilla me afat kohor të shkurtër, do të vijojnë në të gjithë vendin edhe në ditët e ardhshme. Raportohet se të gjashtë komisariatet në Tiranë kanë dalë me postblloqe.
SCAN
Policia e Shtetit Vijojnë operacionet e kontrollit në të gjithë vendinPrej 4 ditësh në të gjitha qarqet e vendit, shërbimet e Policisë, FNSH-ja, Policia Kriminale, Shqiponjat, Shigjetat, Patrulla e Përgjithshme dhe Policia Rrugore, po ushtrojnë kontrolle mbi automjete dhe persona me precedent kriminal.Në përbërje të grupeve të kontrollit ka dhe specialistë të krimit ekonomik, trafiqeve të paligjshme, të antidrogës, të cilët kryejnë kontrolle dhe verifikime të automjeteve, mallrave dhe personave te dyshuar.Kontrollet janë përqendruar kryesisht mbi automjete luksoze, që dyshohet se mund të jenë të trafikuara apo me ndërhyrje në shasi, si dhe mbi persona me precedent kriminal, që mund të tentojnë të kryejnë veprimtari kriminale në drejtim të trafikimit të automjeteve, lëndëve narkotike, kontrabandës me mallra apo që qarkullojnë me armë zjarri.Prej 4 ditësh, në të gjitha ambientet e Policisë në vend, i janë nënshtruar kontrollit dhe verifikimit të dokumentacionit mbi 140 automjete luksoze dhe për një pjese të tyre vijon verifikimi i dokumentacionit. Gjithashtu janë shoqëruar dhe verifikuar në ambientet e Policisë mbi 170 persona.Kontrollet vijojnë në të gjithë qytetet e vendit
Posted by Policia e Shtetit on Sunday, February 9, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.