Bloomberg për ekonominë turke – $50 mld kredi 300 mijë bizneseve, $200 mld të tjera gati
Në Turqi po ndodh një proces i ri dhe i rrezikshëm ndoshta për ekonominë. Politikat e presidentit Erdogan e kanë mbytur ekonominë me linja kreditimi.
Janë dhënë 50 miliardë dollarë kredi për 300 mijë kompani vendase, me qëllim të pastër elektoral, ose të paktën këtë thonë ekspertët.
“Politika ekonomike në Turqi është vetëm për politikë, dhe politika është e gjitha për Erdogan dhe partinë e tij, AKP, që të fitojë zgjedhjet e 2019-ës”.
Erdogan ka humbur ndjeshëm mbështetjen popullore së fundmi, duke rënë nën 50%. Që prej vitit të kaluar, kur dështoi edhe grushti i shtetit, qeveria ka zgjeruar fondet e garancisë me një ritëm rekord, në 50 miliardë dollarë, dhe pa aspak transparencë.
Rritja fiksohet në 22%, dhe ka për qëllim që të nxisë një rritje ekonomike në 5%, gjë të cilën Erdogan do e përdorë në fushatën elektorale.
Qeveria ka vendosur gjithashtu rreth 200 miliardë dollarë asete në një fond pasurie, me qëllimin për t`i dhënë hua kompanive si Turkish Airlines dhe Turk Telekom, duke rritur ndjeshëm defiçitin, që është më i larti që prej 2010-ës.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.