“Bloomberg” shpjegon çfarë po ndodh në Turqi: Është futur në recension! Parashikimet e ekonomistëve
Turqia ka rënë në recesionin e parë që prej një dekade, duke i dhënë një goditje presidentit Erdogan, në një kohë kur vendi po bëhet gati të shkojë në zgjedhjet vendore të këtij muaji.
“Bloomberg” ka analizuar indikatorët ekonomikë të Turqisë ku rezulton se ka një tkurrje të Produktit të Brendshëm Bruto. Për investitorët, shqetësimi është se Turqia mund të përballet me një rrugë të gjatë për rimëkëmbjen ndërsa kapitali i huaj do të pakësohet kur familjet dhe kompanitë të fillojnë të paguajnë borxhet.
Ekonomistët mendojnë se ndryshe nga rikuperimet e mëparshme të Turqisë, ekziston rreziku që këtë herë rimëkëmbja të jetë më e ngadaltë. E gjithë ekonomia turke mund të ballafaqohet me presione të mëdha. Por edhe pse parashikohet që të ketë një rimëkëmbje më të ngadaltë, fatmirësisht, sipas ekonomistëve europianë, potenciali i rritjes është i lartë.
Artikulli origjinal: https://www.bloomberg.com/news/articles/2019-03-10/debt-catches-up-with-turkey-as-recession-ends-boom-and-bust-run?srnd=premium-europe
Përgatiti: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.