BMW optimiste për sa i përket fitimeve ketë vit – Kompania pret një gjobë ‘antitrust’ më të vogël nga BE
BMW AG do të rrisë parashikimin e saj të fitimeve për këtë vit sepse pret që një gjobë ‘për konkurrencën e bizneseve’ nga Bashkimi Evropian e cila do të jetë shumë më e vogël sesa parashikohej dy vjet më parë.
Prodhuesi i automjeteve tha se do të marrë një rritje afërsisht 1 miliard euro për fitimet këtë tremujor nga rivlerësimi i një dispozite për një gjobë të BE mbi akuzat se bashkëpunoi me kolegët e saj gjermanë për të vonuar nxjerrjen e makinave më të pastra. Aksionet e BMW u rritën me 1.9% në Frankfurt.
BMW pret që BE “do të zvogëlojë ndjeshëm pretendimet e saj” kundër kompanisë, sipas një deklarate. Dënimi më pak se i parashikuar do të lejojë ndërmarrjen të rrisë projeksionin e saj të marzhit për fitimet automobilistike para interesit dhe taksave me rreth 1 pikë përqindjeje.
Në diskutim është hetimi i BE-së për BMW, Volkswagen AG dhe Daimler AG mbi komplotin e tyre të pretenduar në sistemet e reduktimit të ndotjeve për makinat me naftë midis 2006 dhe 2014. BE tha në 2019 që koordinimi i ndërmarrjeve bëri teknologji që synon uljen e emetimeve të oksidit të azotit me pak efektive.
Daimler ishte i pari që informoi BE për shkeljen e mundshme të rregullave dhe për këtë arsye mund të shmangë një gjobë. VW gjithashtu ka bashkëpunuar me autoritetet dhe është më pak e ekspozuar ndaj rrezikut ligjor sesa BMW.
Reduktimi i provizionit shton një vrull pozitiv për BMW. Kompania tha këtë muaj se pret që kthimet për biznesin e saj kryesor të automjeteve të jenë në fundin e sipërm të intervalit prej 6% në 8% që parashikonte për vitin. Ndërsa prodhuesi i makinave u detyrua kohët e fundit të përdorë disaa prodhime për shkak të mungesës globale të gjysmëpërçuesve, ajo nuk ka humbur aq shumë prodhim sa rivalët.
Aksionet e BMW janë rritur rreth 19% këtë vit, përafërsisht në përputhje me Indeksin e Automjeteve dhe Pjesëve të Stoxx 600.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.