Boeing hedh në treg linjën e re të avionëve për biznes
Boeing ka hedhur në treg linjën e re të avionëve të biznesit, e cila kompania thotë se kjo do të bëjë të mundur që udhëtarët VIP të udhëtojnë pa ndalesa mes “çdo qyteteve në Tokë”. Aeroplanët BBJ 777X do të përshkruajnë një distancë prej 11.645 milje detare ose (21.570 km), duke u mundësuar atyre që të kenë fluturimin më të gjatë dhe më rehatshëm në botë.
Para një viti, Singapore Airlines nisi fluturimet e saj 17 orëshe midis Londrës dhe Singaporit me avionët e Airbus A350 – 900 ULR (Ultra Long Range). Por distanca që përshkoi kap një vlerë rekord prej 9.000 milje detare ose (16.700 kilometra), duke e vendosur atë nën gamën e avionëve të rinj të Boeing.
E parë në këtë këndvështrim, Avionët “mund të udhëtojnë më shumë se gjysma e rrugës në mbarë botën pa u ndalur, më larg se çdo avion biznesi të ndërtuar ndonjëherë”, tha kompania në një deklaratë. “Klientët tanë të veçantë duan të udhëtojnë me një hapësirë më të mirë dhe rehati maksimale në mënyrë që të arrijnë sa më shpejt në destinacionin e tyre.
Greg Laxton, themeluesi i Boeing Business Jets, shtoi në Shoqatën e Aviacionit të Biznesit në Lindjen e Mesme (MEBAA): Avionët mund të përdoren për të lidhur New York City me Perth në Australinë Perëndimore, një udhëtim i cili aktualisht kërkon më shumë se një ditë kohë për të udhëtuar.
Dy versione të avionëve janë bërë, BBJ 777-8 dhe 777-9, me këtë të fundit duke ofruar një distancë pak më të shkurtër prej 11.000 milje detare (20.370 kilometra), por me një kabinë më të madhe. Avionët e tjerë të biznesit të prodhuar nga Boeing përfshijnë BBJ MAX dhe versionet e një performance më të lartë Dreamliner 787. Që nga formimi i saj në vitin 1996, Boeing Business Jets ka prodhuar rreth 234 avionë duke porositur 261 të tjerë.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.