Boeing tërhiqet në luftën tregtare – Përfshihet në tarifat kineze, humbet përparësi ndaj Airbus
Gjiganti i avionëve Boeing, që është eksportuesi më i madh i Shteteve të Bashkuara, është përfshirë në luftën tregtare ndërkohë që Kina prezantoi tarifa në 25% për avionët amerikanë, duke i dhënë rivalit Airbus avantazh në tregun kinez.
Sipas projeksioneve, ky i fundit pritet të kthehet në tregun më të madh në botë.
Kina lajmëroi tarifa për avionët që peshojnë mes 15,000 kg deri në 45,000kg, që përfshijnë modelin 737 për pasagjerë. Avionët me 1 koridor, që dominohen nga Boeing 737 dhe seritë A320 të Airbus, pritet të zënë 75% të tregut global në 20 vite, sipas projeksioneve të prodhuesit amerikan.
Kina pritet të kalojë SHBA si tregu më i madh i avionëve në botë pas vitit 2022, dhe është objektiv për prodhuesin e avionëve në Chicago. Më shumë se 50% e avionëve tregtarë që operojnë në Kinë janë Boeing.
Vlera në treg e kompanisë ra me 5.1% në 314 dollarë për aksion, pas lajmërimeve.
Nga ana tjetër, aksionet e francezit, Airbus, u rritën me gati 1% në 94 euro. Sipas Shoqatës Ndërkombëtare të Transportit Ajror, Kina do të shtojë 921 milionë pasagjerë deri në vitin 2036, duke shtuar kërkesën për avionë. Boeing rriti projeksionet 20-vjeçare të kërkesës për avionë në Kinë, ndërkohë që rritja ekonomike dhe zgjerimi i klasës së mesme, ka nxitur udhëtimet në vendin me popullsinë më të madhe në botë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.