Borë apo shi?! – SHMU publikon parashikimin e motit në të gjithë vendin!

Shërbimi Meteorologjik Ushtarak njofton se ditën e premte moti parashikohet kryesisht i vranët, reshjet e shiut do të bëhen të pranishme me intensitet të ulët ndërsa në pjesën bregdetare e kryesisht në veriperëndim e jugperëndim të vendit reshjet e shiut do të marrin formën e rrebesheve me rrufe.

Sipas informacionit të publikuar në alpe do të ketë reshje bore me intensitet deri mesatar ndërsa në mbrëmje reshjet e borës do të prekin edhe lartësitë mbi 1100 metër në verilindje të vendit me intensitet të ulët si dhe mjegulla e mjegullina parashikohet të përfshijë zonat luginore të vendit.

SHMU bën me dije se era do të fryjë nga kuadrati i jugut dhe shpejtësi mesatare dhe përgjatë vijës bregdetare dhe zonave luginore era hera herës e vrullshme, në mbrëmje era do të kthehet nga verilindja duke sjellë rënie temperaturash ndërsa valëzimi në dete do të jetë i forcës 4 deri 5 ballë.

Temperaturat parashikohen:

në zona malore 4 deri 10°C

në zona e ulëta 6 deri 17°C

në zona bregdetare 9 deri 18°C.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.