Boris Johnson do të marrë publikisht vaksinën AstraZeneca – “Është e sigurt dhe efektive, duhet të kemi besim”
Kryeministri i Mbretërisë së Bashkuar Boris Johnson të Premten pritet të marrë dozën e parë të vaksinës së koronavirusit të zhvilluar nga AstraZeneca dhe Universiteti i Oksfordit, duke kërkuar të sigurojë publikun se vaksina është e sigurt dhe efektive.
Johnson, 56 vjeç, u ka kërkuar njerëzve të tjerë që të inokulohen kundër Covid-19, duke cituar të dhëna nga rregullatori i pavarur i ilaçeve i Mbretërisë së Bashkuar që tregon se përfitimet janë më të mëdha se rreziqet.
Shumë vende në botë pezulluan përdorimin e vaksinës Oxford-AstraZeneca si një masë paraprake pas raporteve të mpiksjes së gjakut në disa njerëz të vaksinuar. Ekspertët e shëndetit kritikuan ashpër masën, duke përmendur mungesën e të dhënave, ndërsa analistët shprehën shqetësim në lidhje me ndikimin në marrjen e vaksinave ndërsa virusi vazhdon të përhapet.
Rregullatorët e Mbretërisë së Bashkuar dhe BE-së kanë thënë se nuk kishte prova se vaksina kishte shkaktuar mpiksjen e gjakut. Organizata Botërore e Shëndetësisë gjithashtu tha se përfitimet e vaksinës Oxford-AstraZeneca tejkalojnë rreziqet dhe ka rekomanduar që vaksinimet të vazhdojnë.
D.B – SCAN
Burimi: CNBC
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.