Borrell: E ardhmja e Nord Stream 2 varet nga veprimi rus në Ukrainë!
E ardhmja e gazsjellësit të diskutueshëm Nord Stream 2 ka të ngjarë të lidhet me çdo pushtim të mundshëm të Ukrainës nga Rusia, sipas shefit të politikës së jashtme të BE-së.
Josep Borrell po fliste gjatë një takimi të ministrave të punëve të jashtme dhe të mbrojtjes të bllokut në Brest, ku ministrja gjermane e Mbrojtjes Christine Lambrecht paralajmëroi kundër lidhjes së tubacionit të gazit natyror dhe mosmarrëveshjes me Moskën për Ukrainën.
Por Përfaqësuesi i Lartë i BE-së u distancua nga ky pozicion.
Borrell shtoi se nëse përfundimisht do të ketë një ulje të tensioneve me Moskën, atëherë vendimi për të hapur përfundimisht gazsjellësin Nord Stream 2 midis Rusisë dhe Gjermanisë do të jetë në duart e rregullatorëve gjermanë dhe europianë.
Komentet nga shefi i punëve të jashtme të BE-së vijnë në mes të një jave të diplomacisë së rëndë, ndërsa zyrtarët e SHBA dhe NATO-s takohen me homologët e tyre rusë për të diskutuar sigurinë në kontinentin europian ndërsa dhjetëra mijëra trupa ruse mbeten pranë kufirit ukrainas.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.