Borxhet e institucioneve – Maj-Qershor, 1.5 mld lekë detyrime të reja

Sipërmarrjet private vazhdojnë të mos paguhen për punët e bëra apo shërbime të kryera, nga administrata shtetërore. Pothuajse të gjitha dikasteret qendrore kanë krijuar detyrimeve të prapambetura. Edhe pse në ligjin e buxhetit, por edhe në strategjinë  për shlyerjen e detyrimeve të prapambetura theksohet moskrijimi i borxheve të reja, duket se kjo nuk po funksionon.

Fondet buxhetore duhet të disbursoheshin sipas projekteve të parashikuara më parë. Ndërkohë në raportin e fundit të FMN i “tërhiqet vërejtje” qeverisë për moskrijimin e detyrimeve të reja.

Referuar të dhënave më të fundit të Ministrisë së Financave, rezulton, se vetëm për periudhën Maj-Qershor 2017, vlera e detyrimeve të prapambetura të krijuara nga institucione të ndryshme  arrin në 1.5 miliardë  lekë. Po sipas këtyre të dhënave institucionet që kanë krijuar më tepër detyrime të prapambetura këtë periudhë janë:

Ministria e Transportit dhe Infrastrukturës – 943.8 milionë lekë

Ministria e Arsimit dhe Sportit – 1 milion  lekë

Ministria e Drejtësisë – 83.1 milionë lekë

Ministria e Shëndetësisë – 63.9  milionë lekë

Ministria e Punëve të Brendshme – 143.1  milionë lekë

Ministria e Zhvillimit Ekonomik – 0.2 milionë lekë

Ministria e Punëve të Jashtme – 12.1 milion lekë

Ministria e Financave – 154.3 milionë lekë

Ministria e Zhvillimit Urban – 45.9 milionë lekë

Ministria e Mjedisit – 74.7  milionë lekë

Ministria e Integrimit Europian – 0.6 milion lekë

Drejtoria e Përgjithshme e Tatimeve – 3.9  milionë lekë

Ministria e Mirëqenies dhe Ministria e Kulturës raportojnë që nuk ka krijuar detyrime për këtë periudhë.

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.