Borxhet sipas bashkive / 6 njësitë që mbajnë “peshën” më të madhe
Ndërsa stoku i detyrimeve të prapambetura të bashkive deri në Qershor 2020, arrin në 8.7 miliardë lekë apo 70.2 milionë euro, peshën më të madhe ndaj totalit të detyrimit e zë bashkia Tiranë në masën 22.2%, kjo për shkak edhe të numrit më të madh të popullsisë në të gjithë vendin dhe njëkohësisht të nurmit të projekteve publike të vëna në zabtim. Kështu, sipas të dhënave të detajuara nga Drejtoria e Financave Vendore, vlera totale e detyrimeve për Bashkinë Tiranë është 1.9 miliardë lekë apo 15.7 milionë euro. Në vendin e dytë renditet Bashkia Kavajë me rreth 6.8 milionë euro për të shlyer, e ndjekur nga bashkia Vorë me rreth 5.7 milionë euro, Bashkia Pogradec me 3.3 milionë euro, Bashkia Kamëz me rreth 3 milionë euro dhe Bashkia Dibër me 2.3 milionë euro. Këto janë edhe njësitë e vetëqeverisjes vendore që kanë vlerën më të lartë të detyrimeve, ndërsa njësitë e tjera janë në nivele më të moderuara. Sa i takon atyre që kanë më pak borxhe, janë Bashkia Pustec, Këlcyrë, Dropull, dhe në fund renditet Bashkia Patos me zero detyrime.
Bashkitë me më shumë detyrime
1.Bashkia Tiranë 15.7 milionë euro
2. Bashkia Kavajë 6.8 milionë euro
3. Bashkia Vorë 5.7 milionë euro
4. Bashkia Pogradec 3.3 milionë euro
5. Bashkia Kamëz 3 milionë euro
6. Bashkia Dibër 2.3 milionë euro
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.