Borxhi i lartë publik – Ekspertët: Çdo shqiptar, 3 mijë euro detyrime

Çdo shqiptar sot ka rreth 3 mijë euro borxh që në momentin që vjen në jetë. Pjesëmarrës në konferencën “Borxhi publik dhe efektet e tij në ekonomi”, ekspertët e ekonomisë, vlerësojnë se borxhi publik në Shqipëri është në nivel të lartë rreth 65.8, dhe më i larti në rajon.

Presidenti i UET-së, Adrian Civici shpjegon kjo ka ardhur si rrjedhojë e politikave të gabuara ekonomike dhe fiskale të ndërmarra nga qeveria dhe se rritja e borxhit nuk ka qenë i lidhur me rritjen ekonomike. Nga ana tjetër, eksperti Arben Malaj, hedh idenë për kalimin në parlament të ligjit organik të buxhetit me shumicë të cilësuar si dhe për politika fiskale më të kujdesshme.

Konferenca “Borxhi publik dhe efektet e tij në ekonominë e Shqipërisë” e organizuar nga Qendra Shqiptare për Qeverisje të Mirë, me mbështetjen e Fondacionit Konrad Adenauer, trajtoi problematikat që ka sot ekonomia shqiptare në raport me rritjen e borxhit dhe masat që duhen marrë.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.