Borxhi publik – Vasili: Është në masën e 72%, të hetohen ata që gënjejnë
Referuar ngjarjeve më të fundit që lidhen me drejtësinë, në një dalje për mediat Petrit Vasili është shprehur se prokuroria duhet të niste një çështje ndaj shtetit pasi mashtron me shifrat për borxhin publik. Sipas Vasilit borxhi publik është në masën e 72% dhe jo 69.9% siç deklaron kryeministri. Madje edhe Kontrolli i Lartë i Shtetit, e ka denoncuar një fakt të tillë.
“Kryeministri ka gënjyer publikisht me shifra për borxhin publik të vendit dhe këtë denoncim nuk po e bën opozita. Po rimerr atë që zyrtarisht organi kushtetues Kontrolli i Lartë i shtetit ka shkruar e zeza në të bardhë, ky shtet maskarenjsh me një drejtësi të poshtër kundër qytetarëve dhe një drejtësi mbrojtëse bunkerizuese për kryeministrin dhe gjithë radhën e horrave të tij.”
Më tej kryetari i grupit parlamentar të LSI-së ka vlerësuar vendim që ka marrë presidenti për kthimin përsëri të ligjit të teatrit. Sipas Vasilit, Meta ka mbrojtur me këtë gjë sërish një pronë publike me vlerë mbi 200 e ca milionë euro, të cilën duan ta ndajnë ata që janë në pushtet.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.