“Bota të përgatitet për Dollarin Digjital” – Krijohet qendra e posaçme për të promovuar idenë guximshme!

Një ish rregullator i lartë financiar amerikan i quajtur “Babai i Kripto” pikërisht për përqafimin e tij të kriptomonedhave është duke krijuar një qendër studimi për të promovuar idenë e digjitalizimit të dollarit amerikan.

Christopher Giancarlo, i cili u tërhoq si kryetar i Komisionit të Tregtisë së Ardhshme të Mallrave vitin e kaluar, tha se po krijonte fondacionin jofitimprurës të Dollarit Digjital për të studiuar konvertimin e dollarit në një monedhë plotësisht elektronike bazuar në blockchain, teknologji që mbështet bitcoin.

SHBA rrezikon të humbasë avantazhet që gëzon nga zotërimi i monedhës mbizotëruese globale nëse bie pas rivalëve të tillë si Kina, e cila po punon për krijimin e një Yuani Digjital, shkruante Giancarlo në një botim të botuar në Wall Street Journal në tetor.

“Ashtu si me infrastrukturën fizike të këtij vendi, nëse nuk modernizoheni dhe nuk respektoni kohën, ato pikat e forta do të fillojnë të ligështohen,” tha ai në një intervistë gjatë kësaj jave.

Bankat qendrore në të gjithë botën janë ngrohur me idenë e shndërrimit të monedhave tradicionale prej letre dhe monedhash drejt monedhave digjitale. Këto do të ishin si bitcoin, por me mbështetjen e një banke qendrore dhe një mbikëqyrje më të madhe të qeverisë.

Digjitalizimi i dollarit mund të shpejtojë përpunimin e transaksioneve financiare, ndërsa zyrtarëve u jep mjete më të mira për të ndjekur pastruesit e parave. Por një ndryshim i tillë ngre çështje të mprehta të politikave, përfshirë të ardhmen e privatësisë financiare në një botë në të cilën të gjitha transaksionet mund të gjurmohen në mënyrë elektronike. (WSJ)

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.