BQE: Një euro shumë e dobët kërcënon stabilitetin e çmimeve në eurozonë dhe jo vetëm!

Dobësimi i euros në tregjet e monedhës mund të kërcënojë përpjekjet e Bankës Qendrore Europiane për të drejtuar inflacionin drejt objektivit të saj, tha të hënën politikë bërësi i BQE-së, Francois Villeroy de Galhau.

Euro të enjten shënoi nivelin e saj më të ulët kundrejt dollarit që nga viti 2017 duke u tregtuar pak mbi këtë herët të hënën. Dobësia e euros i bën lëndët e para dhe mallrat e importuara në dollarë – si nafta – më të shtrenjta, duke nxitur presionet e çmimeve që tashmë e kanë çuar inflacionin e eurozonës në nivele rekord.

“Më lejoni të theksoj këtë: ne do të monitorojmë me kujdes zhvillimet në kursin efektiv të këmbimit, si një nxitës i rëndësishëm i inflacionit të importuar,” tha Villeroy në një konferencë në Bankën e Francës, të cilën ai gjithashtu drejton. “Një euro që është shumë e dobët do të shkonte kundër objektivit tonë të stabilitetit të çmimeve.”

Rezerva Federale e SHBA ka shtrënguar politikën monetare në mënyrë më agresive se homologja e saj në eurozonë, megjithëse BQE ka sinjalizuar se ka të ngjarë të bashkohet me bankat e tjera qendrore të mëdha në rritjen e huamarrjes në korrik.

Villeroy tha se një mbledhje “vendimtare” e këshillit drejtues të BQE-së mund të pritet në qershor, e ndjekur nga një “verë aktive” në frontin e politikës monetare. “Ritmi i hapave të mëtejshëm do të marrë parasysh aktivitetin aktual dhe të dhënat e inflacionit me disa opsione dhe gradualitet,” tha ai.

Politikëbërësit duhet “të paktën të lëvizin drejt normës neutrale”, shtoi ai, në të cilën qëndrimi monetar i bankës qendrore as nuk e stimulon ekonominë dhe as nuk e mban atë. Norma e depozitave të BQE-së qëndron në -0.5%, që do të thotë se bankat tarifohen për parkimin e parave të tyre të papuna në bankën qendrore. Që nga viti 2014 është në territor negativ. CNBC

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.