“BQE të shikojë rritjen e pritjeve inflacioniste” – De Guindos: Çmimet mund të qëndrojnë në këto nivele për një periudhë afatgjatë
Banka Qendrore Europiane duhet të vëzhgojë me vëmendje rritjen e fundit të pritjeve të inflacionit mbi objektivin e saj prej 2%, por rritja e pagave, një kërkesë kyçe e inflacionit të qëndrueshëm, është ende në udhëkryq, deklaroi zv/presidenti i BQE Luis de Guindos.
Inflacioni u rrit në 7.4% muajin e kaluar dhe ndërsa pritet një tërheqje e shpejtë në gjysmën e dytë të vitit, ka shqetësime në rritje se një pjesë e inflacionit do të vazhdojë përtej krizës aktuale, duke mbajtur rritjen e çmimeve mbi 2% në vitet në vijim.
“Pritjet e inflacionit janë rritur në muajt e fundit edhe pse dhe shenjat fillestare të rishikimeve mbi objektivin në ato masa kërkojnë monitorim të fortë”, theksoi de Guindos.
Megjithatë, nuk ka shenja se rritja e shpejtë e çmimeve të konsumit po ndikon në dinamikën e përcaktimit të pagave, një shenjë potencialisht shqetësuese që do të sugjeronte inflacion të zgjatur.
Sipas de Guindos, deri më tani, rritja e pagave është mjaft e kujdesshme dhe plotësisht në përputhje me objektivin e stabilitetit të çmimeve.
Me rritjen e çmimeve që ka të ngjarë të qëndrojë e lartë për një periudhë afatgjatë, BQE do të vazhdojë të “normalizojë” politikën, fillimisht duke i dhënë fund blerjeve të bonove, më pas duke marrë parasysh rritjen e normës bazë të interesit, theksoi de Guindos, duke përsëritur udhëzimet e qëndrueshme të BQE.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.