Braktiset plani për një samit BE-Rusi / Propozimi i Francës dhe Gjermanisë kundërshtohet nga Polonia dhe fqinjët e Rusisë
Liderët e Bashkimit Europian kanë refuzuar propozimin e Francës me Gjermaninë, për të mbajtur një samit me Rusinë, pasi Polonia dhe vendet baltike thanë se do të dërgojë mesazhin e gabuar, ndërkohë që lidhjet mes Lindjes dhe Perëndimit përkeqësohen. Pasi presidenti i SHBA Joe Biden u takua me Putin në Gjenevë më 16 Qershor, presidenti francez Emmanuel Macron tha se zhvillimi i samitit të parë të BE me Putin që prek Janarit 2014, do të sillte një dialog për të mbrojtur interesat. Ai tha se Europa duhet të jetë proaktive në diplomacinë me Rusinë. Megjithatë, bisedimet në një samit në Bruksel dështuan të arrijnë një marrëveshje, sipas kancelares Angela Merkel. Franca dhe Gjermania kërkojnë të bashkëpunojnë me Rusinë për të luftuar ndryshimin klimatik dhe stabilizuar marrëdhëniet. Merkel tha se pavarësisht mungesës së një samiti, do të shqyrtohen mënyra se si mund të nisë dialogu. Kancelari austriak, Sebastian Kurz tha se e mbështeste propozimin për samit, por shumë vende të tjera e kundërshtonin dhe më vokalet ishin fqinjët direkt të Rusisë. Kryeministri polak, Mateusz Morawiecki tha se Putin duhet të ndalojë politikat “agresive” kundër fqinjëve dhe se nuk duhet të zhvillohet asnjë samit ndërkohë që Moska mban Krimenë dhe bashkohet me separatistët në Ukrainën lindore. Kryeministri i Letonisë, Krisjanis Karins, tha se Rusia mund ta shohë samitin si një shpërblim, ndërkohë që diplomacia ka dështuar t’i japë fund konfliktit në Ukrainë.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.