Brazil, zgjerohet programi i vaksinimit – Në fokus 7000 të pastrehë, pikat e vaksinimit në disa zona të vendit

Qeveria e Brazilit ka nisur programin e vaksinimit për 7000 të pastrehë në mënyrë të tillë që të parandalojë një tjetër rritje të numrit të të infektuarve.

Që në kohën e bllokimit të parë ndaj Covid 19 një vit më parë, vendi u godit rëndë  nga virusi, me një numër shumë të lartë vdekjesh.

Qyteti i Rio de Janeiros, praktikisht, më i prekuri në Brazil, vetëm brenda 286 ditëve,  preku shifrën e 25.000 vdekjeve deri në 29 dhjetor 2020. Pas kësaj, u konfirmuan edhe 25.000 vdekje të tjera brenda 149 ditëve.

Gjatë javës së fundit të majit, Rio filloi ngritjen e pikave të vaksinimit në disa zona të qytetit për të vaksinuar të pastrehët që kanë jetuar në rrugë për një kohë të gjatë.

Daniel Soranz, sekretari i shëndetësisë, tha se të pastrehët janë më të prekshmit ndaj infeksionit dhe ka shumë të ngjarë të jenë një burim i lëvizshëm i infeksionit.

Ekspertët nga Universiteti Federal i Rio de Janeiro besojnë se vaksinimi për të gjithë është mënyra e vetme për të kontrolluar epideminë dhe për të zvogëluar numrin e të vdekurve. Sidoqoftë, për shkak të mungesës së furnizimit me vaksina, qyteti i Rio de Janeiro, ka arritur te garantoje  vetëm vaksinimin normal për njerëzit mbi 60 vjeç, pacientët me sëmundje kronike, mësuesit mbi 50 vjeç vjeç, dhe ata që punojnë në mbrojtjen nga zjarri, sigurinë dhe industri të tjera të shërbimeve.

Brazili ka administruar më shumë se 64.5 milion doza të vaksinave COVID-19 dhe mbi 21.3 milion njerëz kanë marrë dy doza që nga fillimi i fushatës kombëtare të imunizimit në janar, sipas ministrisë së shëndetësisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.