Brazili do testojë vaksinën ruse – Shteti i Paranas do ta testojë mbi 10 mijë vullnetarë në fillim të vitit të ardhshëm
Instituti i teknologjisë të Brazilit në Paraná, i cili ka rënë dakord të prodhojë vaksinën ruse “Sputnik-V” COVID-19, tha të Premten se, planifikon të kryejë provat e fazës III mbi 10,000 vullnetarë në Brazil në fillim të vitit të ardhshëm. Jorge Callado, kreu i Institutit të Teknologjisë së Paranas, i njohur si Tecpar, tha se miratimi për rtestin do të kërkohet nga rregullatori shëndetësor i Brazilit, ANVISA, deri në fund të këtij muaji. Dozat do të importohen për testet dhe Tecpar planifikon të fillojë prodhimin e vaksinës për tregun e Brazilit në gjysmën e dytë të vitit 2021. Tecpar përfundimisht mund të kërkojë të eksportojë në fqinjët e Amerikës Latine, tha Callado.
Paraná është një nga disa shtetet braziliane që ka arritur vetë të sigurojë qasjen në vaksinat COVID-19, motivuar të paktën pjesërisht nga një mosbesim ndaj përgjigjes së qeverisë federale. Presidenti i Brazilit, Jair Bolsonaro, ka minimizuar vazhdimisht gravitetin e pandemisë, e cila ka infektuar më shumë se 4 milion njerëz në vend dhe ka vrarë 124,600 në shpërthimin më të keq jashtë Shteteve të Bashkuara. Callado tha se botimi i së Premtes në revistën mjekësore Lancet të rezultateve që tregon se vaksina kishte prodhuar një përgjigje të antitrupave në provat e fazës fillestare ishte një zhvillim i rëndësishëm.
Ai hodhi poshtë dyshimet për vendimin e Rusisë për regjistrimin e shpejtë të Sputnik V. Rusia paralajmëroi zhvillimin e vaksinës së parë të regjistruar në botë të koronavirusit si provë e aftësisë së saj shkencore. Callado tha se vaksina do të jepet në dy doza 15 ditë larg, në fillim të vitit të ardhshëm dhe rezultatet do të duhen dy deri në tre muaj për tu përpunuar para se të regjistrohet në Brazil. Ai tha se 200 milion reais (38 milion dollarë) janë caktuar për të blerë vaksinat.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.