Brazili ndalon dozën e dytë të vaksinës / Njerëzit kthehen mbrapsht nga qendrat prej mungesës së Coronavac
Brazilianët që do merrnin një dozë të dytë të vaksinës së koronavirusit të zhvilluar nga Sinovac e Kinës, u kthyen mbrapsht në qendrat e vaksinimit në Rio de Janeiro në nisje të Javës.
Kjo ndodhi për shkak se qeveria lokale ndaloi planin e vaksinimit për 10 ditë, për shkak të mungesës së dozave të CoronaVac.
Doza e dytë do të aplikohet vetëm pasi të mbërrijnë më shumë furnizime nga qendra biomjekësore Butantan, në Sao Paulo. Shumë njerëz mendojnë se vonesa e dozës së dytë mund të cenojë shumë njerëz ndaj rrezikut të virusit, ndërkohë që norma e efektsmërisë e raportuar në provat braziliane për të parandaluar infeksionet simptomatike ishte vetëm 50.4%. Shumë rrethe kanë mbaruar stokun e vaksinave dhe nuk mund të administrojnë doza të dyta si ç’planifikohej, ndërsa të tjera kanë vëzhguar rreshta të mëdhenj, ndërkohë që njerëzit shqetësohen se furnizimet do mbarojnë. Shumica e vaksinave të injektuara në Brazil deri më tani kanë qenë CoronaVac, por njësia e përfundimit në Butantan ndaloi 2 javë më parë, për shkak të vonesës së dërgesave të ingredientëve aktivë nga Kina. Një furnizim i ri i ingredientëve, mjaftueshëm për 5 milionë doza të CoronaVac, ka mbërritur në Brazil më 19 Prill. Deri më tani, Butantan ka furnizuar 42 milionë doza të CoronaVac tek programi kombëtar i imunizimit, krahasuar me 26.5 milionë doza të AstraZeneca, që mbushet dhe përfundohet tek qendra biomjekësore Fiiocruz në Rio de Janeiro. Brazili ka normën e dytë më të lartë të vdekjeve në botë nga koronavirusi, pas Shteteve të Bashkuara.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.