Brazili prodhon “pakon” e parë të Sputnik / Fabrika merr ingredientët nga Rusia. Vaksina do të eksportohet te vendet fqinje

Kompania braziliane e farmaceutikës, Uniao Quimica, përfundoi prodhimin e pakos së parë të vaksinës Sputnik V, me ingredientët aktiv dhe teknologjinë që është ofruar nga Rusia, sipas një deklarate të kompanisë.  Vaksina do eksportohet tek vendet fqinje në Amerikën e Jugut, ndërkohë që Brazili nuk e ka miratuar ende vaksinën ruse për përdorim të brendshëm.   Instituti gamaleya në Moskë, që ka zhvilluar vaksinën,  ka kontrolluar cilësinë e ingredientëve të vaksinës, që janë vendosur në shishka dhe paketuar për transport, në fabrikën e Uniao Quimica, në periferi të Sao Paulo.  Pako e parë e fabrikës prej 100,000 dozash, është vendosur në kuti të etiketuara në gjuhën spanjolle, pavarësisht Fondi i Investimeve Direkte i Rusisë nuk ka vendosur ende se kush vende do t’i marrin.  Fabrika në Brazil do ketë kapacitet për 8 milionë doza në muaj, kur rregullatori i Brazilit ta miratojë për përdorim në vend.  Ky miratim është vonuar pasi agjencia pati probleme me disa dokumente dhe mungesë të të dhënave klinike nga pala ruse.  Rregullatorët synojnë që të jepet një miratim në Korrik dhe kompania të nisë prodhimin e ingredientëve aktivë në laboratorin në Brazil, në vend që ta importojë nga Rusia.  Deri më tani, vaksina Sputnik V është prodhuar në Rusi, Serbi, Turqi, Egjipt dhe Argjentinë, pavarësisht se janë nënshkruar kontrata për më shumë vende.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.