Brexit bëhet më i pasigurtë – Takimi mes negociatorëve, më i vështiri në tre vite

Një takim i zhvilluar javën e kaluar mes negociatorëve të Brexit ishte ndër më të vështirit në tre vitet e fundit, sipas zyrtarëve europianë, të cilët presin që bisedimet të bëhen më armiqësore me qeverinë e re britanike. Bashkimi Europian po konsideron dhënien e disa koncesioneve të mundshme për qeverinë e Mbretërisë së Bashkuar për të shmangur një dalje kaotike pa marrëveshje, referuar deklaratave të zyrtarëve europianë, të cilët kanë folur në kushtet e anonimitetit. Por, takimi mes sekretarit të Brexit, Stephen Barclay dhe krye-negociatorit europian, Michel Barnier, rrezikon të forcojë qëndrimin e BE-së, duke e bërë më të vështirë gjetjen e një rrugëdalje.

Dy zyrtarët thanë se Mbretëria e Bashkuar po përpiqet të detyrojë unionin të bëjë lëshime, ashtu sikurse dy kandidatët për tu bërë kryeministër premtojnë një qëndrim më të ashpër negociues. Kandidati kryesor për tu bërë kryeministër, Boris Johnson, po ndjek një linjë më të ashpër se kryeministrja Theresa may, duke premtuar se do të largohet nga blloku më 31 tetor, me ose pa marrëveshje. Në anën tjetër, Bashkimi Europian thotë se marrëveshja e arritur me Theresa May, nuk mund të negociohet. Megjithatë, zyrtarët thonë se ka ende disa mundësi të papërdorura, e cila cilësohet si një dritare për të shkuar drejt marrëveshjes.

Lidion Kulla / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.