Brexit gati për fazën e dytë – Ministrat britanikë tregojnë unitet për vazhdimin e negociatave
Britania kërkon të vazhdojë me fazën e dytë të negociatave me Bashkimin Europian, ndërkohë që vlerëson marrëdhëniet e ardhshme me bllokun.
Britania është e gatshme të nisë bisedimet mbi marrëdhënien me Europën pas Brexit, kryesisht prej presioneve nga bizneset, qytetarët dhe investitorët.
“Duhet të nisin negociatat për çështjet kryesore në lidhje me marrëdhënien tonë të ardhshme”, tha ministri për Brexit, David Davis.
Thirrja e Britanisë për të vazhduar me Brexit vjen pas propozimit të ministrit të Financave Philip Hammond dhe ministrit të Tregtisë Liam Fox, për një periudhë të shkurtër tranzicioni, duke sinjalizuar një dakordësi brenda kabinetit të ndarë të Theresa May.
Deri më tani, bisedimet janë fokusuar mbi “Gjobën” që Britania duhet të paguajë për daljen si dhe për të drejtat që do të kenë qytetarët Britanikë dhe Europianë.
Në muajin Korrik, zyrtarët e Bashkimit Europian deklaruan se progresi ishte i vështirë, jo prej kërkesave të papranueshme të Britanisë, por prej mungesës së qëndrimit në shumë çështje.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.