Brexit – Kryeministri irlandez: Është koha për të nënshkruar marrëveshjen
Kryeministri irlandez, Leo Varadkar, ka deklaruar se ka ardhur koha që Britania e Madhe të nënshkruajë marrëveshjen e Brexit. Ai është shprehur gjatë një konference se po menaxhon periudhën e tranzicionit dhe po negocion një marrëdhënie të re të ngushtë me Britaninë.
Megjithatë, planet e Mbretërisë së Bashkuar lidhur me mënyrën se si do të menaxhojnë çështjen e kufirit irlandez janë duke shkaktuar ende probleme për kryeministren Theresa May.
Ndërkohë, udhëheqësja e Dhomës së Përfaqësuesve, Andrea Leadsom tha se marrëveshja Brexit ka ende nevojë për përmirësim, përfshirë edhe këtë çështje.
Ndërsa mbështeti përpjekjet e kryeministres May për të arritur “marrëveshjen më të mirë të mundshme”, ajo paralajmëroi se Britania e Madhe nuk mund të bllokohet në një marrëveshje doganore të përhershme të BE-së.
Leadsom është pjesë e një grupi prej pesë ministrave të kabinetit që shpresojnë të ndryshojnë marrëveshjen.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.