Brexit rikthehet në tryezë Brukseli dhe Britania, në konflikt për peshkimin
Negociatorët kryesorë të Britanisë dhe Bashkimit Europian po përpiqen të arrijnë një marrrëveshje në Londër, që do të shmang finalen negative të krizës 5-vjaçare të Brexit. Mbretëria e Bashkuar doli nga Bashkimi Europian në Janar, por të dyja palët janë përpjekur të arrijnë në një dakordësi, që do të rregullojë tregtinë prej 1 trilionë dollar në vit, përpara se të përfundojë periudha e tranzicionit më 31 Dhjetor.
Pas kërcënimeve nga Britania se nuk do të respektojë traktatin e divorcit 2020, BE bëri të ditur se është gati për të biseduar mbi dokumentet ligjore të marrëveshjes. Pavarësisht progresit në rregullat e konkurrencës, përfshirë ndihmat shtetërore, çështja kryesore qëndron peshkimi. Kryeministri Boris Johnson ka këmbëngulur se do të marrë kontroll tek territori detar, ndërsa Bashkimi Europian kërkon akses tek ujërat e peshkimit.
Ndërkohë që peshkimi përbënte vetëm 0.03% të prodhimit ekonomik në Britani në vitin 2019, shumë mbështetës të Brexit e shohin si një symbol të rimarrjes së sovranitetit. Për peshkatarët francezë, ujërat britanike janë të rëndësishme dhe ndalimi do të shkaktonte trazira për presidentin francez, Emanuel Macron.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.