Brexit ‘shqetëson’ Trump’: Mund të kërcënojë marrëveshjen e ardhshme tregtare SHBA-Britani
Marrëveshja Brexit që lejon Britaninë e Madhe të largohet nga Bashkimi Europian mund të rrezikojnë një marrëveshje tregtare në të ardhmen me Shtetet e Bashkuara të Amerikës.
Paralajmërimi ka ardhur nga presidenti i SHBA-së, Donald Trump, në një kohë kur kryeministrja britanike, Theresa May, po kërkon të mbledhë urgjentisht ligjbërësit për të mbështetur marrëveshjen e për ta dërguar më pas në parlament, një detyrë kjo ‘e frikshme’ nisur edhe nga kritikat e shumta që ka marrë.
Ndërsa është pyetur për marrëveshjen Brexit, sipas ‘CNBC’ Trump tha për gazetarët jashtë Shtëpisë së Bardhë se kjo ‘tingëllon’ si një marrëveshje e madhe për BE, ndërsa shtoi se duhet parë më seriozisht nëse SHBA lejohet të tregtojë në Britani.
“Mendoj se duhet të shohim seriozisht nëse SHBA-ja lejohet të tregtojë, sepse tani nëse shikoni marrëveshjen, ata nuk mund të jenë në gjendje të tregtojnë me ne. Dhe kjo nuk do të ishte një gjë e mirë”, deklaroi Trump.
Ndërsa u shpreh se Brexit mund të largojë Britaninë nga negociatat për një marrëveshje me ekonominë më të madhe botërore, Trump nuk specifikoi se cila dispozitë e marrëveshjes ishte ‘shqetësuese.’
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.