Britania do të shpenzojë 30 milion paund për të infektuar të rinjtë me Covid – Përpjekjet për të zhvilluar shpejt një vaksinë
Më shumë se 30 milion paund të qeverisë britanike do shkojnë për të financuar “provat vaksinore” të para në botë Covid-19, në të cilat vullnetarë të rinj të shëndetshëm do infektohen qëllimisht me virusin për të shpejtuar zhvillimin e një vaksine.
Provat kanë potencialin të japin rezultate më shpejt sesa provat konvencionale në terren të vaksinave, në të cilat studiuesit duhet të presin që pjesëmarrësit të infektohen në botën reale.
Këto studime mund të përdoren gjithashtu për të krahasuar kandidatë të shumtë të vaksinave, për të zhvilluar trajtime dhe për të mbledhur të dhëna për pasojat e menjëhershme të infeksionit që nuk do të ishte e mundur të siguroheshin ndryshe.
Përdorimi i provave të tilla daton në fund të shekullit të 18-të, kur mjeku anglez Edward Jenner inokuloi një djalë të ri me virusin e lisë dhe më pas e ekspozoi atë ndaj lisë si pjesë e një përpjekje që çoi në vaksinën e parë në botë. Që atëherë, metoda është përdorur gjithashtu për të zhvilluar vaksina për tifoide, kolera dhe malaries.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.