Britania ndalon linjat ajrore ruse të hyjnë në hapësirën e saj ajrore britanike. Rusia kundërpërgjigjet!
Autoriteti i aviacionit civil të Rusisë ka ndaluar fluturimet në Mbretërinë e Bashkuar drejt dhe mbi Rusi në shenjë hakmarrjeje për ndalimin britanik të Aeroflot.
Agjencia Federale e Rusisë për Transportin Ajror (Rosaviatsiya) tha se të gjitha fluturimet e transportuesve britanikë në Rusi – si dhe fluturimet transit – janë të ndaluara duke filluar nga sot (e premte 25 shkurt).
Ajo tha se masa ishte marrë në përgjigje të “vendimeve jomiqësore” të autoriteteve britanike që ndaluan fluturimet në MB nga transportuesi rus Aeroflot si pjesë e sanksioneve për pushtimin e Rusisë në Ukrainë.
Sekretari britanik i Shtetit për Transportin, Grant Shapps, tha dje se kishte lëshuar një ndalim për të gjitha linjat ajrore ruse.
“Unë kam nënshkruar kufizime që ndalojnë të gjitha linjat ajrore ruse të planifikuara të hyjnë në MB ose të prekin tokën britanike,” njoftoi Shapps në Twitter. “Veprimet e urryera të Putin nuk do të injorohen dhe ne kurrë nuk do të tolerojmë ata që vënë jetën e njerëzve në rrezik.”
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.