Britania në zgjedhjet e PE? – KE kërkon pjesëmarrje, në rast se në 2 Qershor do të jetë ende në union
Komisioni Europian është i prerë në qëndrimin se britanikët duhet të votojnë për zgjedhjet e Parlamentit Europian, në rast se vendi nuk do të jetë formalisht jashtë unionit më 2 Qershor.
Sipas parashikimeve, Britania duhet të dalë nga unioni më 29 Mars, në mesnatë. Por, Parlamenti britanik e ka hedhur poshtë marrëveshjen e Brexit, duke hedhur hije dyshimi mbi këtë datë. Shumëkush tashmë mendon se, Londra zyrtare do të kërkojë më shumë kohë për të zgjidhur pozicionin e saj në lidhje me këtë çështje.
Diçka e tillë nxiti një debat në rast se, Britania duhet të marrë pjesë në zgjedhjet për përfaqësuesit e saj në Parlamentin Europian apo jo. Gjithsesi, deri më tani, Komisioni Europian nuk ka marrë asnjë kërkesë zyrtare në lidhje më shtyrjen e datës së daljes së Britanisë nga unioni, e për arsye, edhe ky diskutim është në rrafshin hipotetik.
Gjithsesi, Komisioni Europian është i mendimit se për të shmangur çështjet ligjore, Britania duhet të marrë pjesë në zgjedhjet e fillim Qershorit, në rast se kur të vijë data do të jetë ende pjesë e unionit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.