Britania, përsëri rekord të infeksioneve – Dita e dytë radhazi. “Një person me Omicron mund t’ja transmetojë 3-5 të tjerëve”
Mbretëria e Bashkuar ka regjistruar një numër rekord të rasteve ditore të koronavirusit për të dytën ditë radhazi, ndërkohë që përhapja e shpejtë e Omicron vazhdon të shqetësojë autoritetet. Një total prej 88,376 rastesh të reja janë raportuar në vend, nga 78,610 që u regjistruan një ditë më parë, duke e çuar totalin në 11,097,851. Rreth 1,700 raste të reja me Omicron janë zbuluar në Britani, që ëhstë rritja më e madhe ditore që kur varianti u shfaq në vend, duke e çuar totalin e konfirmuar me Omicron në 11,708, sipas Agjencisë së Sigurisë Shëndetësore.
Britania ka raportuar 146 vdekje të tjera të lidhura me koronavirusi, në një total prej 146,937, ndërkohë që mbi 7,500 pacientë me Covid-19 janë ende në spital. Të dhënat e fundit vijnë ndërkohë që Susan Hopkins, shefja mjekësore e agjencisë, tha se çdo person i infektuar me variantin Omicron, mendohet se do ta kalojë në 3-5 të tjerë mesatarisht. Hopkins tha se vlera R e transmetueshmërisë në Britani është në 3-5 dhe varianti po përhapet shpejtë, duke u dyfishuar në përmasë çdo 2 ditë. Vlera aktuale R e Delta në Britani, vlerësohet të jetë në 1.1 -1.2. Përkeqësimi i infeksioneve ka goditur burimet spitalore në vend, me njësitë në shumë pjesë të vendit, veçanërisht në kryeqytet, që janë mbingarkuar.
Shefi mjekësor i Anglisë, Chriss Ëhitty, paralajmëroi se ndërsa simptomat e variantit Omicron janë të lehta, virusi është më infektues dhe do të ndikojë shumë më shumë njerëz në afat-shkurtër. Ai paralajmëroi se rekordi i shtrimeve në spitale pritet të thyhet në javët e ardhshme. Kryeministri Boris Johnson tha paralelisht se qendra të reja të vaksinimit do të hapen dhe i bëri thirrje njerëzve që të marrin dozën nxitëse. Megjithatë, ai tha se nuk do të ketë karantinë të re pavarësisht shqetësimeve se Omicron mund të rrisë rastet, duek shtuar se nëse njerëzit angazhohen në aktivitete publike, ata duhet të marrin një test të Covid-19 dhe të jenë më të kujdesshëm.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.