Britanikët do shkojnë me pushime/ Telegraph: ”Pritet të hiqet karantina në mbërritje për 75 shtete”

Qeveria britanike do të tërheqë planet e “urave” ajrore dhe do t’i japë fund rregullave të karantinës për të mbërriturit nga 75 shtete, në mënyrë që njerëzit të shkojnë me pushime, sipas  “Daily Telegraph”.  E përditshmja theksoi se Mbretëria e Bashkuar do të heqë përkohësisht ndalimin e udhëtimeve për pushim ndaj të gjithë destinacioneve të Bashkimit Europian, territoreve britanike përfshirë Bermudën dhe Gjibraltarin, si dhe Turqinë, Tajlandën, Australinë dhe Zelandën e Re.

Qeveria e Kryeministrit Boris Johnson ka hasur vështirësi me hapjen e udhëtimeve ndërkombëtare, pasi vendosi rregulla të karantinës 2-javore për personat që mbërrijnë në vend,  ç’ka po godet mëtej turizmin dhe industrinë ajrore. Britania deklaroi javën e ardhshme se do të braktisë rregulalt e karantinës 14-ditore për njerëzit që mbërrijnë nga vende si Franca, Spanja dhe Greqia.   Simon Clarke, ministër i strehimit, komuniteteve dhe qeverisë locale, tha se qeveria po punon për një lajmërim mbi udhëtimin.

“Do të lajmërojmë sa më shpejtë të jetë e mundur”, tha ai, duke shtuar se qëllimi është rimëkëmbja e sektorit të turizmit.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.