Britanikët do të “bashkëjetojnë” me virusin – Johnson i jep fund masave të kufizimit. Së shpejti përfundon dhe vetë-izolimi
Kryeministri i Britanisë, Boris Johnson, po i jep fund masave të koronavirusit në Angli, pasi Omicron testoi planin e tij për t’i bërë ballë Dimrit pa kufizime. Masa si vendosja e maskave dhe pasaportat e Covid-19, të prezantuara në Dhjetor për të frenuar Omicron, skadojnë këtë Javë, duke e rikthyer Anglinë me rregullat e muajit Korrik, ku Johnson përfundoi për herë të parë kufizimet. Omicron nxiti një rritje të rasteve në nivele rekord gjatë Dhjetorit, por shtrimet në spitale dhe vdekjet nuk u rritën me të njejtë përmasë. Varianti është më pak i ashpër, dhe Johnson po synon për doza nxitëse dhe blerjen e barnave antivirale, në mënyrë që të jetohet me Covid dhe jo përmes masave të kufizimeve.
Britania ka raportuar mbi 150,000 vdekje nga Covid, që është shifra e 7 më e madhe në botë dhe Johnson është kritikuar për trajtimin e pandemisë. Ai premtoi të shmangë një karantinë të plotë këtë Dimër dhe vende të tjera po vëzhgojnë me interes për të parë se si Britania i’a del, si vendi me më pak masa në G7. Johsnon madje tha se do të lejojë ligjin që detyron njerëzit të vetë-izolohen, që të skadojë në muajin Mars dhe shtoi se mund ta afrojë datën.
Kryeminsitri ka një urgjencë të fortë politike për të hequr masat e Covid-19, ndërkohë që përballet me krizën më të madhe të karrierës së tij, pasi policia po heton mbledhjet në zyrën e tij gjatë karantinës. Megjithatë, eksperienca e Britanisë me Omicron ka qenë më e butë se sa pritej. Graham Medley, kryetar i grupit qeveritar të modelimit të masave të Covid, tha se kur plani B u prezantua, kishte pasiguri mbi ashpërsinë e Omicron dhe ndikimin e dozave nxitëse. Ai shtoi se rritja e imunitetit në popullsi do të bëjë që çdo valë e ardhshme të jetë problem më i vogël, por paralajmëroi se variantet e ardhshme mund të sjellin sfida, por jo të pakalueshme.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.