Britanikët ndalin shpenzimet – Hapi më i dobët në tre vite, shkak inflacioni dhe pagat
Hapi i rritjes së shpenzimeve konsumatore në Mbretëri u ngadalësua ndjeshëm gjatë muajit Prill, ndërkohë që projeksionet flasin për dobësi edhe gjatë muajve në vijim.
Shpenzimet projektohen në një rritje me vetëm 0.5% gjatë muajit Prill, pas një rritje me 1% gjatë Marsit, duke regjistruar kështu hapin më të dobët të rritjes në 3 vite.
Trendi rënës do të përforcohet gjatë muajve në vijim, theksojnë ekspertët. Kjo, sipas tyre, vjen si pasojë e rritjes së kostos së jetesës dhe rritjes anemike të pagave.
Gjatë muajit të kaluar, norma e inflacionit fiksohej në 2.3%, dhe projeksionet flasin për një rritje të mëtejshme gjatë vitit, duke tejkaluar ndjeshëm rritjen e pagave, çka përkthehet në rënie të të ardhurave reale.
Gjatë javës, Banka e Anglisë mund të rrisë edhe projeksionet për ecurinë e çmimeve të konsumit gjatë vitit, çka do të thotë se, shpenzimet konsumatore do të bien edhe më shumë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.