Britanikët nuk duan të punojnë në ferma-Po kush do t’i vjelë frutat e perimet pas daljes së tyre nga BE?
“Vetëm 1% e punëtorëve të fermave në Britaninë e Madhe janë vendas. Shumica aktualisht vijnë nga Europa Lindore. Por me dhënien fund të lëvizjes së lirë, kultivuesit britanikë duket se janë më të prekurit , për arsye se duhet që të kërkojnë krah pune ” konstaton “Washington Post”.
Britania sot është plotësisht e varur nga punëtorët e huaj për mbledhjen e frutave dhe perimeve. Sipas Bashkimit Kombëtar të Fermerëve, prej 60,000 punëtorëve sezonalë që punonin në fusha vitin e kaluar, vetëm 1% e tyre ishin britanikë. Shumica dërrmuese e tyre vijnë nga Europa Lindore, veçanërisht nga Bullgaria dhe Rumania.
Për sa kohë që Britania është pjesë e Bashkimit Europian , me traktat dyert e saj kanë qenë të hapura për lëvizjen e lirë të anëtarëve nga vendet e BE- së, duke përfshirë punëtorë sezonalë që vijnë për katër ose pesë muaj, paguhen me paund britanik dhe kthehen në shtëpi për dimrin.
Por ndërsa Britania po përgatitet të largohet nga BE, duke zvogëluar mundësitë për lëvizjen e lirë, fermerët britanikë ka filluar që t’i zërë paniku se kush do t’i mbledhë të korrat në pranverën e ardhshme.
Gjatë fushatës së Brexit në 2016-tën , ankthi mbi migracionin masiv ishte në krye të shqetësimeve , i nxitur pjesërisht nga pretendimet se, për shembull, miliona muslimanë do të vinin sa më shpejt dhe se Turqia do të bashkohej me BE. (Turqia nuk është në bashkim dhe nuk ka perspektivë të bashkohet në të ardhmen e parashikueshme.)
Me daljen e Britanisë nga blloku, Theresa May zotohet se vendi do të rifitojë kontrollin e kufijve të tij dhe do të kufizojë ndjeshëm imigracionin.
Megjithatë, kritikët e Brexit argumentojnë se Britania ka nevojë për punëtorë të huaj – jo vetëm më të mirët dhe më të zgjuarit në financa, teknologji dhe mjekësi, për të cilët mund të premtojë ende se do të jenë të mirëpritur, por edhe për ata që pastrojnë dhomat e hotelit në Brighton dhe mbledhin domatet në Norfolk.
Nëse shumë më pak punëtorë vijnë nga Evropa, këto vende pune do të duhet të mbushen nga britanikët – të cilët nuk duken shumë të prirur për t’i kryer këto lloje punësh – ose kontraktohen nga Bjellorusia apo Nepali e Filipinet.
Stephanie Maurel, shefi ekzekutiv i “Concordia”, një kompani e rekrutimit që furnizon me punëtorë rreth 200 ferma britanike, thotë se në këto lloj vendesh pune kanë aplikuar pothuajse zero britanikë. Këtu ndikojnë një numër i madh faktorësh .
Maurel thekson se disa britanikë punojnë në punë më pak të tatueshme në fermë – si menaxherët e logjistikës apo personeli i zyrës – por edhe në ato vende që paguajnë më shumë. Punët e brendshme në ferma , si vjelja e pemëve, zakonisht kryen nga europianët lindorë .
Puna e fermës është e lidhur me evropianët lindorë, që do të thotë punë për njerëzit e varfër.
Helen Whately, një politikan i partisë konservatore që kryeson grupin parlamentar të të gjitha partive për fermerët e frutave dhe perimeve, thotë se “Kultivuesit do të përballen me një mungesë të krahut të punës pas daljes nga Brexit. Tashmë, ajo ka kontribuar në një dobësim të paundit , duke ulur kështu stimujt financiarë për punëtorët e huaj , në kohën kur ekonomitë po përmirësohen në vendet burimore, siç është Rumania.”
Adrian Cirstea, pjesë e paketimit dhe menaxher i logjistikës në fermën Snell, i cili është me origjinë nga Rumania, shprehet se “Pas Brexit, kultivuesit britanikë do të përpiqen shumë që të gjejnë krah pune më të lirë. Ata do të duhet të shkojnë më tej në lindje dhe në jug ,në Afrikë dhe Azi, për të gjetur punëtorë.”
s.g/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.