British Airways përballet me një gjobë prej 183 milionë paund për shkelje të të dhënave
British Airways po përballet me një gjobë rekord prej 183 milion paund për shkelje të sistemeve të saj të sigurisë, të vitit të kaluar. Linja ajrore, në pronësi të IAG, thotë se ishte “befasuar dhe zhgënjyer” nga sanksioni Zyrës së Komisionerit të Informacionit (ICO).
Në atë kohë, BA tha se hakerët kishin kryer një “sulm të sofistikuar dhe me qëllim të keq kriminal” në faqen e saj të internetit. ICO deklaroi se ky ishte dënimi më i madh që ai kishte dhënë ndonjëherë dhe i pari që u bë publik sipas rregullave të reja. Rregullorja e Përgjithshme e Mbrojtjes së të Dhënave (GDPR) hyri në fuqi vitin e kaluar dhe ishte tronditja më e madhe ndaj privatësisë së të dhënave në 20 vjet.
Ndëshkimi i imponuar ndaj BA është i pari që bëhet publik pasi hyrjes në fuqi të këtyre rregullave dhe arrin në 1.5% të qarkullimit të saj në mbarë botën në 2017, më pak se maksimumi i mundshëm prej 4%. Deri tani, dënimi më i madh ishte 500 mijë paund, i vendosur ndaj Facebook për rolin e saj në skandalin e të dhënave të Cambridge Analytica. Ky ishte maksimumi i lejuar sipas rregullave të vjetra të mbrojtjes së të dhënave që aplikoheshin para GDPR.
BA ka 28 ditë për të apeluar. Willie Walsh, shefi ekzekutiv i IAG, tha se British Airways do të bënte ankesa ndaj ICO. “Ne synojmë të ndërmarrim të gjitha hapat e duhur për të mbrojtur fuqishëm pozitën e linjës ajrore, duke përfshirë edhe ankesat e nevojshme”, tha ai.
BA ka thënë më parë se rreth 380,000 transaksione janë prekur, por të dhënat e vjedhura nuk përfshijnë detajet e udhëtimit ose pasaportës. Informacioni përfshinte emra, adresa elektronike, informacione mbi kartën e kreditit si numrat e kartës së kreditit, datat e skadimit dhe kodin CVV me tre shifra të gjetura në anën e pasme të kartave të kreditit, megjithëse BA deklaron se kua ka ruajtur asnjëherë numrat e CVV. (BBC)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.