Budapesti, qyteti i larmishëm që nuk e humbet bukurinë pavarësisht stinës
Kohët e fundit Budapesti është shndërruar ndër vendet më të vizituara. Ofertat e ndryshme të agjencive turistike janë mjaft të leverdishme për një vend që ka shumë për të ofruar siç është Budapesti.
Në fakt Hungaria ka mjaft vende të bukura për të vizituar por Budapesti është një parajsë për eksploruesit.
Mbani shqisat tuaja gati dhe do të zbuloni gjëra të mrekullueshme në çdo hap që hidhni.
Ushqimi hungarez mbetet një nga stilet më të sofistikuara të gatimit në Europë. Hungarezët mund ta ekzagjerojnë pak kur thonë se ka vetëm tre kuzhina thelbësore botërore: kuzhina franceze, kineze dhe ajo hungareze.
Por në fakt reputacioni i Budapestit si një “qytet ushqimor” daton që në fund të shekullit të 19 dhe në gjysmën e parë të shekullit të 20-të.
Pavarësisht një periudhe të varfër si pasojë e komunizmit qyteti përsëri po tërheq vëmendje.
Në fakt ushqimi është një pjesë plotësuese por arsyet e vërteta se pse një udhëtim në Budapest është ndër eksperiencat e bukura që do të kaloni, është arkitektura, kultura e romanca.
Bukuria e Budapestit nuk është gjithçka që Natyra i ka dhënë por edhe njerëzimi ka luajtur një rol në formësimin e kësaj fytyre të bukur.
Qyteti është një thesar i çmuar, me ndërtesa të stilit barok, neoklasike, eklektike dhe art nouveau për të kënaqur të gjithë.
Budapestin mund ta vizitoni në çdo periudhë të vitit, pasi çdo stine i jep bukurinë e vet këtij qyteti të larmishëm.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.