Buffet humbi $3.7 mld këtë javë – Tkurrja e pasurisë së miliarderëve kalon vlerën në treg të Netflix
Pasuria e Warren Buffet ka rënë me 3.74 miliardë dollarë që prej ditës së Hënë ndërkohë që tregjet amerikanë të kapitalit pësuan rënie për 3 ditë radhazi. Humbjet për kryetarin e Berkshire Hathaway ishin më të mëdha se ato të kreut të Facebook, Zuckerberg, që pati rënie me 3.71 miliardë dollar.
Pasuritë e bashkëthemeluesve të Google, Larry Page dhe Sergey Brin, ranë me nga 3 miliardë dollar, humbjet për spanjollin Amancio Ortega shënuan 2.5 miliardë, në indeksin e miliarderëve të matur nga Bloomberg. 500 personat më të pasur kanë humbur në total 128 miliardë dollarë që prej ditës së Hënë, shifër më e madhe se vlera në treg e Netflix apo McDonald’s.
Pasuria e miliarderëve amerikanë pati rënien më të madhe, me 55 miliardë dollar, ndërsa të pasurit kinezë, humbën $14 miliardë. Indeksi S&P 500 ra me 1.3% ditën e Enjte, duke e çuar rënien 3 ditore në 3.7%. Indeksi Dow Jones ra me 420 pike, pas lajmërimit të Presidentit të Shteteve të Bashkuara Donald Turmp, se do të vendosë tarifa për çelikun dhe aluminin.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.