Bujar Leskajt i përfundoi mandati, Meta: Të qëndrojë në krye të KLSH-së, deri sa të zgjidhet kryetari i ri

Presidenti i Republikës Ilir Meta nëpërmjet një letre drejtuar kryetarit të Kuvendit dhe Bujar Leskajt, i kërkon këtij të fundit të qëndrojë në krye të KLSH-së deri sa të zgjidhet një kryetar i ri.

Presidenti nënvizon që qëndrimin në këtë post e parashikon edhe ligji, ku në “nenin 24 parashikohet shprehimisht se: “Për përfundimit të mandatit të Kryetarit të Kontrollit të Lartë të Shtetit, ky i fundit qëndron në detyrë deri në zgjidhjen e Kryetarit të ri”.

“Për më tepër, qëndrimi në detyrë i Kryetarit të Kontrollit të Lartë të SHTETIT, deri në zgjedhjen e Kryetarit të ri, lidhet edhe me statusin që ka ky pozicion kushtetues”, vijon letra.

“Nëse organi i Kontrollit të Lartë të Shtetit do të përfaqësohej nga një funksionar tjetër dhe jo nga Kryetari i tij, kjo do të zhvishte atë nga mbrojtja kushtetuese dhe ligjore që ka ky institucion dhe në këtë mënyrë do të cenohej integritet dhe pavarësia e tij.

Kjo është jo vetëm një e drejtë e dhënë nga ligji, por edhe një detyrim i parashikuar prej tij, për të garantuar pavarësinë e Kontrollit të Lartë të Shtetit si institucioni më i lartë i kontrollit ekonomik e financiar edhe përgjatë periudhës tranzitore, deri ën zgjedhjen e Kryetarit të ri të këtij organi”, përfundon letra. Letra e plotë lexo këtu.

E.Z./SCAN

Lexo edhe këtë: KLSH: Bujar Leskaj përfundon mandatin, kompetencat e kryetarit i kalojnë Lindita Milos

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.