“Bujqësia, çështje e sigurisë kombëtare”! – Braçe: Skema e subvencioneve, përjashtuese. Krifca: Kemi marrë masat e para!
Në kushtet kur konsumatorët shqiptarë po përballen me një rritje të pandalshme çmimesh të produkteve ushqimore që vijnë nga importi, deputeti socialist Erion Braçe shprehet se varësia nga tregjet e huaja mund të shmanget vetëm përmes planeve konkrete të prodhimit, mbështetjes së duhur buxhetore dhe politikave fiskale për sektorin bujqësor.
Gjatë një interpelance të zhvilluar me Ministren e Bujqësisë, Frida Krifca, deputeti socialist u shpreh se skemat e mbështetjes në bujqësi janë përjashtuese dhe nuk i përgjigjen situatës.
Në përgjigje të kritikave të deputetit socialist, Ministrja Frida Krifca u shpreh se janë marrë masat e para për t’iu përgjigjur situatës sic është fondi shtesë për naftën falas në bujqësi.
Skema e subvencioneve në bujqësi është e hapur për aplikime deri më datën 25 mars, dhe deri më tani janë regjistruar mbi 28 mijë aplikantë vetëm për naftën falas.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.