Bujqësia, sektori më i harruar/ Basha: “Një nga prioritetet parësore për qeverinë time. Subvencione për fermerët”
Kryetari i Partisë Demokratike, Lulzim Basha, vijoi turin e takimeve në Vlorë ku është ndalur në Novoselë pranë një fabrike të përpunimit të ullirit . Pasi u njoh me problematikat e fermerëve , Basha tha se një nga prioritet që duhet të jetë parësor për qeverinë, është bujqësia duke thënë se në 8 vite ka qenë sektori më i harruari. Kjo gjë sipas tij do të marrë fund pas 25 prillit, ku qeveria e ardhshme në krye të prioriteteve do të ketë bujqësinë dhe fermerët shqiptarë. Për këtë ai premtoi se do të ketë subvencione për çdo fermer të paktën sa vendet e rajonit.
“Gjëja e parë që kemi është 100 milion euro për fermerin për të rritur prodhimin dhe 50 milionë të tjera për infrastrukturën ku përfshihen fabrikat e vajit të ullirit. Që Shqipëria duhet të ndryshojë kjo nuk diskutohet, që ndryshimi vjen duke e çuar Shqipërinë drejt Europës as kjo nuk diskutohet deh të vetmit që mund ta çojmë drejt saj jemi ne, sepse kemi dhënë prova për këtë. Por këtë duhet ta bëjmë të gjithë bashkë.
Basha tha se ekzistojnë të gjitha mundësitë që prodhimet cilësore të kenë treg të brendshëm edhe të jashtëm
“Programin tonë për bujqësinë do ta vëmë në lëvizje që në ditë të parë. Nuk po them se do të bëjmë mrekullia si Italia dhe Spanja, po të paktën aq sa bën Shkupi aq sa bën Maqedonia e Veriut për fermerët e saj ne do ta bëjmë, por edhe më shumë se aq.Në këtë mënyrë ti do të jesh në gjendje të financosh me paratë që të vijën nga shteti pa kontakt me nënpunonjësit sepse ata kërkojnë 20-30% të vlerës së subvencionit. Ti do kesh më shumë ullinj për të përpunuar dhe tregjet e Europës do ti kesh të hapura, jo vetëm për ta shitur vajin e ullirit në Shqipëri por edhe për ta çuar atë drejt Europës.”
Kreu i PD vijoi takimet e tij edhe në qytetin e Vlorës ku ka kërkuar që qytetarët të bëhen sëbashku më 25 prill, për të sjellë ndryshimin
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.