Buka mund të jetë gjëja e parë që do të mungojë nga tryezat tona ndërsa Putin sulmon Ukrainën!

Rusia dhe Ukraina janë dy nga eksportuesit kryesorë të grurit në botë. Kështu, kur forcat ruse pushtuan Ukrainën të enjten, furnizimi global i drithit u vu në rrezik dhe çmimi i grurit u hodh në nivelet më të larta që nga viti 2012.

Tregjet e grurit u rritën nga shuma maksimale e lejuar nga bursa e Çikagos të enjten, duke u tregtuar 5.7% më e lartë me 9.3475 dollarë për buhel në orën 8:26 të mëngjesit të së enjtes në Londër, ndërsa në Paris, gruri i bluarjes po tregtohet 16% më i lartë. Farat vajore dhe soja gjithashtu patën një rritje të gjerë për shkak të përshkallëzimit të tensioneve.

Pushtimi rus i Ukrainës mund të ndikojë në 59 milionë tonë metrikë (mmt) të grurit që Rusia dhe Ukraina eksportojnë çdo sezon nëpër botë. Vetëm Ukraina eksporton 24 mmt grurë, i cili kryesisht është rritur dhe bluar në juglindje të vendit, në afërsi të rajoneve Donetsk dhe Luhansk, në të cilat Rusia ka vendosur tashmë trupa.

Nëse ndodh ndonjë gjë me ato eksporte, qoftë përmes luftës apo sanksioneve, ndikimi do të jetë i rëndë.

Çmimi i grurit në Bordin e Tregtisë së Çikagos u rrit me 21% në vitin 2021 pas një dekade prodhimi të ulët kulture çoi deficitin global të grurit deri në 8.8 mmt, sipas USDA. Krahasuar me atë mungesë të rregullt të tregut, një krizë në Ukrainë do të vinte në rrezik gjashtëfishin e sasisë së grurit. Nëse ai grurë hiqej nga tregu, çmimet mund të dyfishoheshin dhe vendet në Lindjen e Mesme dhe Afrikën veriore, importuesit kryesorë të grurit rus dhe ukrainas, do të përballeshin me mungesa të mëdha. Fortune

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.