Bullgaria dhe Greqia fillojnë ndërtimin e tubacionit të gazit nga Azerbajxhani

Bullgaria dhe Greqia po fillojnë ndërtimin e një tubacioni në mënyrë që të transportojë gazin nga Azerbajxhani në Bullgari për të lehtësuar sadopak varësinë e saj nga furnizimet me gaz rus. Në një ceremoni pranë kufirit ditën e djeshme, të dy kryeministrat, Bojko Borisov dhe Alexis Tsipras u takuan për të mbikëqyrur punimet për ndërtimin e lidhjes 182 kilometra ose (114 milje) midis sistemeve e të dyja vendeve.

Tubacioni pritet të vihet në punë në fund të vitit 2020, ndërsa Bullgaria pritet të marrë dërgesat e gazit nga Azerbajxhani si pasojë e zhvillimit të Shah Deniz 2. Tubacioni i gazit pritet të kushtojë 220 milionë euro dhe kapaciteti i saj parashikohet të jetë nga 3 deri në 3 miliardë metra kub në vit.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.