Bullgaria Kristalina Georgieva zgjidhet si kandidate e BE-së për kreun e Fondit Monetar Ndërkombëtar
Bullgaria Kristalina Georgieva është kandidatja e Bashkimit Europian për të pasuar Christine Lagarde si kryetare e Fondit Monetar Ndërkombëtar.
Shtetet anëtare zgjodhën kandidatin e tyre të premten pas dy raundeve të votimit dhe bisedimeve të zgjatura. Georgieva mundi kandidatin holandez Jeroen Dijsselbloem duke marrë mbështetjen e 28 vendeve të BE.
Georgieva ka qenë shefe ekzekutive e Bankës Botërore që nga viti 2017. Ajo gjithashtu ka punuar në këtë institucion midis 1993 dhe 2010, duke filluar si një ekonomisë, duke u ngritur më pas në detyrë si Zëvendës Presidente dhe sekretare e korporatës në 2008.
Ajo ka shërbyer si komisionere europiane për bashkëpunim ndërkombëtar, ndihmë humanitare dhe përgjigje ndaj krizave, si dhe nënkryetare e Komisionit për buxhet dhe burime njerëzore.
Ajo u shpreh në Twitter se “është një nder që të emërohesh” dhe njoftoi se do të heqë dorë nga përgjegjësitë e saj në Bankën Botërore gjatë periudhës së nominimit.
Presidenti i Komisionit të BE-së, Jean-Claude Juncker, uroi duke thënë se ajo kishte të gjitha kualifikimet për të udhëhequr FMN.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.