Bullgaria ofron shpërblim për vaksinimin – Pensionistët do të marrin një pagesë cash për të nxitur imunizimin

Kryeministri i Bullgarisë, Kiril Petkov, tha se të moshuarit që marrin një vaksinë të Covid-19 do të mund të përfitojnë një shumë në para cash’, që është pjesë e fushatës së qeverisë për të nxitur normën e vaksinimit, që është më e ulëta në Bashkimin Europian.  Petkov, që mori detyrën këtë muaj, tha se çdo bullgar i dalë në pension, do të përfitojë një pagesë të njëhershme prej 75 leva, apo 43.4 dollarë, shtesë ndaj pensionit në 6 muajt e ardhshëm,  pasi të vaksinohen me një dozë të parë apo të dytë.

Pensionistët që kanë marrë të 3 dozat, janë gjithashtu të përshtatshëm për këtë përfitim. Koalicioni qeveritar i qendrës, ka nisur gjithashtu një fushatë të gjerë të informacionit, për të bindur skeptikët ndaj vaksinave që të vaksinohen dhe të shmangin një valë vdekjeprurëse të koronavirusit, që sipas Petkov, pritet të godasë në mes të Janarit.  “Prioriteti i qeverisë nuk është vdekja e sa më shumë njerëzve nga Covid, por zbutja e presioneve tek spitalet dhe mbrojtjta e të moshuarve që janë më në rrezik”- tha Petkov në një deklaratë.

Bullgaria është anëtari i BE me normën më të ulët të vaksinimit, me vetëm 27% të të rriturve që janë vaksinuar plotësisht.  Vendi ka normën më të lartë të vdekjeve të lidhura me Covid në bllok.  Petkov tha se shpreson që incentiva e re do të ndihmojë vendin ballkanik që të vaksinojë rreth 300,000 bullgarë në 65 vjeç e sipër, deri në fund të Janarit.

Në 24 orët e fundit, vendi raportoi 1,463 infeksione të reja, në rënie nga rekordi i Tetorit.  Pandemia ka shkaktuar 30,350 vdekje në vendin me 7 milionë banorë deri më tani. Megjithatë, shumë bullgarë vazhdojnë të qëndrojnë skeptik ndaj vaksinës për shkak të mosbesimit tek institucionet shtetërore, keqinformimit dhe mesazheve kontradiktore nga politikanët.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.