Bum Shampanje gjatë 2021 – Bota bleu më shumë se kurrë vitin e kaluar: 5.5 miliardë euro!

Shtëpitë e shampanjës po festojnë pasi shitjet dhe eksportet vendosën rekorde të reja vitin e kaluar edhe pse bllokimet pandemike detyruan shumë bare dhe restorante të mbyllen.

Comité Champagne, një shoqatë tregtare që përfaqëson më shumë se 16,000 prodhues të verës dhe 320 shtëpi shampanjë, tha të mërkurën se Franca eksportoi një rekord prej 180 milionë shishe me flluska në 2021, një rritje prej 38% krahasuar me vitin e kaluar.

Shitjet globale të shampanjës arritën gjithashtu një rekord prej 5.5 miliardë eurosh (6.2 miliardë dollarë). Comité Champagne tha se dërgesat totale u rritën 32% gjatë vitit të kaluar në 322 milionë shishe pasi njerëzit gjenin arsye për të festuar në shtëpi.

Të dhënat e detajuara të eksportit nuk janë publikuar ende, por në vitin 2020, Mbretëria e Bashkuar dhe Shtetet e Bashkuara ishin tregjet kryesore të huaja për shampanjën. Pirja e shampanjës u rikthye në nivelet e saj para pandemisë vitin e kaluar në Francë, me dërgesat që u rritën me 25% për të arritur në afro 142 milionë shishe.

Maxime Toubart, bashkë-president i Comité Champagne, tha se rikthimi ishte një “surprizë e mirëpritur” pas një viti të vështirë 2020. Emri Shampanjë është i rezervuar ekskluzivisht për verërat e korrura dhe të prodhuara nga 16,200 kultivues në 34,300 hektarë në verilindje të Parisit.

Rajoni u godit nga ngrica të rënda pranverën e kaluar, të cilat dëmtuan të korrat në të gjithë rajonet e rritjes së verës në Francë. Ngrica preku rreth 80% të vreshtave në ato zona, sipas Komitetit Europian të Kompanive të Verës. CNN

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.