Bumi i pensioneve private, shtohen 2,500 anëtarë – 2021, arrin në 45 milionë dollarë totali i depozitave. Rritje me 27% krahasuar me 2020

Viti 2021 ka shënuar një zhvillim të fortë të pensioneve private, si për sa I përket numrit të personave që kanë zgjedhur të bëhen pjesë e kësaj skeme, por veccanërisht sa I përket shifrave të depozituara nga anëtarët për të sigurar të ardhura paralele pas shkëputjes së marrëdhënieve të punës. Autoriteti I Mbikqyrjes Financiare raporton se numri I pjesëmarrësve në këtë skemë është rritur me 8.2%, ndërkohë që dukshëm janë rritur vlerat e depozituara. Për vitin 2021 kemi një shtesë prej thuajse 10 milionë dollarësh të investuara në skemën e pensioneve private, ku vullnetare ushtrojnë aktivitetin e tyre katër fonde.

Nga Analiza e të dhënave për tregun e pensioneve private vullnetare, e sapopublikuar nga AMF, më 31.12.2021 rezulton një total asetesh neto prej 4,5 miliardë lekësh, afërsisht 45 milionë dollarë, dhe me një rritje prej 981.27 milionë lekë, thuajse 10 milionë dollarë (27.23%) krahasuar me 31.12.2020. Numri i anëtarëve në fondet e pensioneve, më 31.12.2021 rezultoi 33,571 anëtarë duke shënuar një rritje prej 8.22% krahasuar me 31.12.2020. në këtë mënyrë skemës I janë shtuar mbi 2500 anëtarë të rinj gjatë vitit të shkuar.

Janë përsëri femrat ato që vahzdojnë të përbëjnë numrin më të madh të anëtarëve të 4 fondeve të personave. Nga të dhënat rezulton se  17,375 e pjesmarrësve në fonde janë femra dhe  16,196 meshkuj.

Rritje ka shënuar edhe numri i paketave që ofrojnë kompanitë. Për vitin 2020 planet ishin 238, për t’u rritur me 18.4%, duke shkuar në 282 për vitin e shkuar.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.