Burrat “fitojnë terren” në 2018, Instat: Numri i grave menaxhere në 2018, 4 % më i ulët se në 2017!
Ndërmarrjet aktive në vitin 2018 shënojnë 162.835, një numër i ngjashëm me atë të vitit 2017. Mirëpo, ndërsa numri i kompanive aktive ka qenë pothuajse i njëjtë, roli i grave menaxhere ka ndjerë një rënie me 4 %.
Sipas INSTAT, përgjatë vitit 2018, gratë kanë menaxhuar 25.7 % të ndërmarrjeve aktive gjithsej, krahasuar me 29.7 % në vitin 2017.
Nga ndërmarrjet aktive që operojnë në bashkinë e Tiranës, gratë në 2018 kanë menaxhuar 33.2 % të tyre.
Përsa i përket numrit të punësuarave, rreth 92 % e ndërmarrjeve aktive të drejtuara nga gratë, kanë 1 deri në 4 të punësuar.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.