Burri që i ra përreth Kretës për 39 ditë me një kajak – “Duhet guxim dhe këmbëngulje”
Një burrë grek lundroi rreth ishullit të Kretës me kajak për 39 ditë, duke nisur nga 31 Dhjetori, dita e vitit të Ri dhe duke përfunduar të enjten e 8 Shkurtit.
Manolis Loudaros ndau përvojën e tij në Facebook duke postuar fotografi dhe shkruar rreth udhëtimit të tij të guximshëm në ditë dimri. Ai bëri 800 kilometra (500 milje) për të përmbushur qëllimin e tij.
Ai filloi nga Elafonisos, në jug të Peloponezit, kalonte përmes Kythera dhe Antikythera dhe arriti në Kretë ku filloi udhëtimin e tij rreth ishullit.
Për 39 ditë ai qëndroi në kajakun e tij, ku Loudaros u përball me mot të keq, në disa raste edhe me erëra të forta dhe kushte atmosferike që ja bënin të vështirë të përmbushte qëllimin e tij.
Ai luftoi kundër fenomeneve natyrore dhe vendosmëria e tij fitoi.
Kur arriti në vendin e quajtur Lassithi, për shembull, ai shkruante: “… rryma të forta, stuhi, fenomene ekstreme brenda dhe jashtë ujërave … Kreta Lindore është e egër, e thjeshtë, me një bukuri unike natyrore … Kalimi në jug të Kretës dhe afrimi në Goudouros, një betejë e forta në errësirë”.
Udhëtimi 39-ditor përfundoi të enjten në Balos.
“Një ditë shumë e vështirë, një kompani shumë e fortë më shoqëroi nga Falasarna në Kissamos duke sfiduar parashikimet e motit dhe duke kapërcyer vështirësitë. Kur më pyetën, a është e mundur? Po është! Me durim, këmbëngulje dhe nerva të forta, u përgjigja”, shkruan Loudaros.
Kjo nuk ishte hera e parë që Loudaros sfidoi ujërat e thella dhe elementët e natyrës në përgjithësi. Vitin e kaluar ai bëri raundin e Peloponezit me kajakun e tij.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.