Bushati, kritika ndaj BE-së – “S’ka strategji të qartë për interkonektivitetin e vendeve të Ballkanit”

Ministri për Evropën dhe Punët e Jashtme, Ditmir Bushati ka pritur në një takim homologun slloven, ndërkohë që në fokus të diskutimeve kanë qenë marrëdhëniet politike dhe ekonomike mes 2 vendeve. Gjatë konferencës për shtyp të zhvilluar pas takimit, ministrat  pranuan se bashkëpunimi ekonomik mes Shqipërisë dhe Sllovenisë është në nivele tejet të ulëta.

Ndërkohë që, pyetur nga  SCAN mbi shkaqet e kësaj situate, ministri Bushati tha se një rol negative ka luajtur ndërlidhja mes vendeve, duke mos kursyer kritikat edhe ndaj Bashkimit Evropian, që sipas ministrit nuk  ka një strategji të qartë në këtë drejtim.

Ndërkaq, ministri slloven kërkoi intensifikim të punës, me qëllim rritjen e bashkëpunimit mes vendeve. Deri në fund të vitit 2017 shkëmbimet tregtare mes 2 vendeve arritën në 53 milion euro, ndërkohë që investimet sllovene në Shqipëri përllogariten në rreth 18 mln euro.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.