Fluturime “low cost”, Bushati: Nga 10 maj, fluturime tre herë në javë Tiranë – Amsterdam
Shtohet edhe një destinacion tjetër fluturimesh “low cost” në vendin tonë . Pas fluturimeve për në Budapest do të keni edhe fluturime tre herë në javë për në Holandë.
“Duke filluar nga 10 Maji Kompania Transavia do të fluturojë tre herë në javë nga Amsterdami në Tiranë me një kosto të ulët”.
Lajmi u dha nga ministri i Jashtëm Ditmir Bushati, në një konferencë për mediat me homologun holandez Bert Koenders, ku ndër të tjera shtoi se kjo nismë do t’i japë një tjetër nxitje turizmit.
Nga ana e tij ministri Koenders u shpreh se Holanda është investitori i dytë më i fuqishëm në Shqipëri.
Interesi i investitorëve holandezë është rritur për vendin tonë. Vetëm në vitet e fundit këto investime janë rritur me 30 për qind. Ndërkohë që Shqipëria vazhdon të mbetet një atraksion i mirë për investimet në fushën e turizmit. Ministri i Jashtëm Holandez gjatë vizitës së tij në vendin tonë dha dhe një herë mbështetjen që do të japë Hollanda për anëtarësimin e Shqipërisë në BE.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.